تابش نړیوال څېړنیز انسټېټیوټ (TIIR) یو خپلواک، تخصصي او څو‌ څانګو لرونکی علمي او څېړنیز بنسټ دی، چې د تابش پوهنتون تر چتر لاندې رامنځته شوی. دا انسټېټیوټ هدف لري چې په ملي او نړیواله کچه د لوړ کیفیت څېړنو، علمي خپرونو، پالیسي جوړونې او علمي همکارۍ لپاره یو مخکښ مرکز شي.

لرلید (Vision):

په ملي او نړیواله کچه د څېړنو، نوښت او پالیسي جوړونې یو معتبر او مؤثر علمي بنسټ ګرځېدل، چې د افغانستان مهمو ستونزو ته پر شواهدو ولاړې حل‌لارې وړاندې کوي.

ماموریت (Mission):

د پرمختللو څېړنو، اغېزناکو خپرونو، سټراټیژیکو پالیسيو او مسلکي روزنو له لارې د علم، پرمختګ او ټولنیز بدلون راوستل.

اصلي موخې:

• د نوښت‌محورو او معیاري څېړنو وده
• د ملي او نړیوالو علمي مجلو خپرول
• د عامه او خصوصي سکتور لپاره د پالیسۍ جوړونې ملاتړ
• د مسلکي زده کړو، ورکشاپونو او سیمینارونو برابرول
• د ملي او نړیوالو علمي همکاریو پراخول او کنفرانسونو دایرول

اصلي څانګې:

• د خپرونو او علمي مجلو څانګه
• تخصصي څېړنیز مرکزونه (سیاسي، اقتصادي، روغتیا، اسلامي علوم)
• د پالیسۍ او نوښت څانګه
• د روزنې او ظرفیت لوړونې څانګه
• د کنفرانسونو او علمي غونډو څانګه
• د مرستو، همکاریو او ګرنتونو راجلبولو څانګه

TIIR د څېړونکو، استادانو، محصلینو او پالیسي جوړونکو لپاره یو نوښت‌محور او فرصت ورکونکی علمي بنسټ دی. دا انسټېټیوټ د ځانگړو ادارو، پالیسۍو، او نوې تکنالوژۍ په مرسته د افغانستان د علمي او ټولنیز پرمختګ لپاره ژمن دی.

📌 د TIIR لپاره یوه بشپړه او نوې ویب‌پاڼه د جوړېدو په حال کې ده. د نورو معلوماتو لپاره مهرباني وکړئ د تابش پوهنتون له رسمي چینلونو سره وصل پاتې شئ.