بسم الله الرحمن الرحیم
د تابش پوهنتون د مالي او اداري چارو د مرستیال په توګه، ویاړ لرم چې د اغېزمن مالي مدیریت، روڼې ادارې او د پوهنتون د سرچینو د اغېزمنې کارونې له لارې د دې علمي بنسټ په پرمختګ او بریا کې خپله ونډه ترسره کوم.
زموږ اساسي موخه د یوه منظم، حساب ورکوونکي او دوامداره مالي او اداري نظام رامنځته کول دي، څو د پوهنتون له علمي موخو څخه ملاتړ وکړي او داسې کاري او علمي چاپېریال برابر کړي چې محصلین، استادان او اداري کارکوونکي وکولای شي خپلې دندې په اغېزمنه او غوره توګه ترسره کړي..
د مالي او اداري چارو معاونیت ژمن دی چې په ټولو مالي او اداري چارو کې د صداقت، روڼتیا، حساب ورکونې او مسلکيتوب لوړ معیارونه مراعت کړي. موږ هڅه کوو چې د پوهنتون مالي سرچینې په مسؤلانه توګه مدیریت کړو، اداري خدمتونه په دوامداره توګه ښه کړو، او داسې پالیسۍ پلې کړو چې د اغېزمنتیا، عدالت او اداري غورهوالي لامل شي.
موږ باور لرو چې قوي مالي پلان جوړونه او اغېزمنه اداره د علمي بریا او د پوهنتون د دوامدار پرمختګ بنسټیز عوامل دي. له همدې امله، د مالي پایدارتیا د پیاوړتیا، د زیربناوو او اسانتیاوو د ښه والي، د اداري چارو د اغېزمنتیا د لوړولو او د هغو نوښتونو د ملاتړ لپاره هڅې کوو چې د پوهنتون د اوږدمهاله پرمختګ او ودې سبب ګرځي.
د همکارۍ، نوښت او مسؤلانه رهبرۍ پر بنسټ، زموږ موخه دا ده چې یو عصري، روڼ او اغېزمن اداري نظام رامنځته کړو چې د پوهنتون د ټولنې باور ترلاسه کړي او د لوړو زده کړو په برخه کې د پوهنتون د غورهوالي لیدلوري ته د رسېدو ملاتړ وکړي. موږ ژمن یو چې د بشپړې ژمنتیا او امانتدارۍ له مخې د پوهنتون خدمت وکړو، څو ټولې مالي او اداري سرچینې د محصلینو، استادانو، کارکوونکو او ټولنې د هوساینې او پرمختګ لپاره په غوره او مسؤلانه توګه مدیریت شي.
په درنښت،
پیام الدین بورا
مالي او اداري چارو مرستیال