امناء هیئت لنډه پېژندنه
د امناء هیئت د امانتدارو
، تجربه لرونکو، مسلکي او باور وړ اشخاصو یوه ټولګه ده چې د پوهنتون د پالیسۍ جوړونې،
ستراتیژیکو پرېکړو او عمومي لارښوونې مسؤلیت لري، چې د پوهنتون د موخو د تحقق، شفافیت،
حساب ورکونې او اغېزمنتیا د تضمین لپاره کار کوي. له نېکه مرغه تابش پوهنتون د لوړو
زده کړو محترم وزارت څخه د خصوصي پوهنتونونو
( ۵)۲۵/۹/۱۴۴۶ګڼه نېټې پریکړې په اساس او د لوړو زده کړو وزارت محترم مقام د (۱۲۳۸۹) ۲۴/۱۰/۱۴۴۶ ګڼه نېټې حکم په اساس د امناء هئیت منظوري
ترلاسه کړې ده چې پنځه غړي لري. په رأس کې یې د پوهنتون بنسټګر دوکتور خیر محمد مومند
قرار لري، چې په عادي ډول په کال کې څلور عادي غونډې لري او د ضرورت په اساس فوق العاده
غونډې هم داېروي. د خصوصي پوهنتونو د مقررې (۱۴) مه ماده د پوهنتون هیئت امناء تشکیل او د
هغې د غړو ټاکلو په اړه داسې صراحت لري:
(۱) د ملکي لوړو زده کړو د قانون له حکمونو سره
سم پوهنتون کې د تدریسي، علمي ــ څېړنیزو او اکاډمیکو چارو د غوره سمون په منظور د
امناء هیئت تأسیسږي.
(۲) د امناء هیئت د تصمیم نیونې د غړو ټولګه ده،
چې د پوهنتون په سر کې قرار لري او د ملکي
لوړو زده کړو قانون او نورو اړونده تقنیني سندونو د حکمونو په رڼا کې د پالیسیو، تشکیلاتو، بودیجې تدوین او
سترو ستونزو د حل لپاره وروستی تصمیم نیسي.
(۳) پوهنتون مکلف ده چې د اړونده اساسنامې سره
سم د چارو د تنظیم او سالمې رهبرۍ په منظور
د امناء هیئت تاسیس کړي.
(۴) د امناء هیئت لږ تر لږه د لېسانس
د زده کړې د درجې ، پوهې، او تجربې ، نیک شهرت او کاري مخینې لرونکو
اشخاصو څخه جوړ شوی دی، چې د پوهنتون
له خوا د امناء هیئت په توګه معرفي او ریاست
او د لوړو زده کړو وزارت له تأیید څخه وروسته د وروستي تصویب لپاره خصوصي پوهنتونونو کمیسون ته وړاندیز کیږي.
(۵) د امناء هیئت غړي د بنسټګر په واسطه د تفاهم
لیک په لاسلیک سره معرفي کېږي او د لوړو زده کړو وزیر د منظورۍ له اخیستلو څخه وروسته
په خپل کار پیل کوي.
د امناء هیئت دندو
لایحه
د خصوصي پوهنتونونو
د مقررې د (۱۵) مادې له مخې د امناء هیئت لاندې دندې او واکونه لري:
1. د پوهنتون د ودې او پراختیا لپاره د داخلي
ستراتېژۍ او پالیسۍ تدوین.
2. د پوهنتون د رئیس او مرستیالانو ټاکل او لوړو
زده کړو وزارت مقام ته د هغوی وړاندیز
3. د اړونده پوهنتون د فعالیت له ډول څخه داخلي
څارنه.
4. د اړونده پوهنتون له مالي او حقوقي موضوعګانو
څخه وروستۍ څارنه.
5. د پوهنتون د ونډوالو د ستونزو حلول.
6. د قوانینو ، مقرراتو ، لایحو د تطبیق او له
هغو تأدیبي اکاډمیکو سر غړونو څخه څارنه چې په اړونده پوهنتون کې صورت مومي او هغې
ته رسیده ګي کول.