د حقوقو دیپارتمنت هغه علمي څانګه ده چې موخه یې د
قانون، عدالت او ټولنیز نظم د ټینګښت لپاره مسلکي کدرونه روزل دي. په دې څانګه کې
زدهکوونکي د اسلامي فقهې او ملي قوانینو ترڅنګ د نړیوالو حقوقو، بشري حقونو او
عدلي کړنلارو په اړه ژوره پوهه ترلاسه کوي، څو د ټولنې حقوقي ستونزې په علمي او
عملي ډول حل کړي. د برنامې ځانګړتیا دا ده چې هم د نظري درسونو او هم د علي روزنې
له لارې د زدهکوونکو تحلیل، څېړنیزه وړتیا او مسلکي مهارت لوړوي. د دې څانګې
فارغین کولای شي د قضا، څارنوالۍ، وکالت، تدریس، څېړنې او حقوقي مشورې په برخو کې
د ټولنې او دولت لپاره ارزښتناک خدمت ترسره کړي.
د برنامي ارزښتونه
1.
د ديني او ملي ارزښتونو ساتنه او د اسلامي شعائرو درناوی
او رعايت.
2.
د عقيدوي، فکري، اخلاقي، علمي او مسلکي روحيې هر اړخيزه
پياوړتيا.
3.
د اخلاص، تقوا او عبادت د ترسره کولو روحيه پياوړې کول.
4.
اسلامي ارزښتونو ته د ژمن مسلمان، متدین او مسلکي کادر
روزنې ته پاملرنه.
5.
د اسلامي اخوت، يووالي، مهربانۍ، خواخوږۍ، خدمت کولو او يو
بل ته د درناوي او ايثار روحيه پیاوړې کول.
6.
پر شرعي احکامو عمل او پر هغو د ټینګې عقیدې روحیه پیاړې
کول.
7.
د ديني اصالت او دنيوي او عصري اړتيا پر بنسټ د ديني او
عصري علومو ترمنځ د توازن رامنځته کول او د هغو ترمنځ د اړيکې د ټينګوالي روحيه
پیاوړې کول.
· د قانون، عدالت، او حقوقي اصولو په اړه د
محصلینو علمي پوهه پراخول.
· د هېواد د عدلي، قضایي، تقنیني او اداري
بنسټونو لپاره د مسلکي او مسؤلو حقوقپوهانو روزنه.
· د ملي او نړیوالو حقوقي نظامونو، قوانینو او
حقوقي میتودونو په اړه د محصلینو تحلیلې او انتقادي وړتیاوو لوړول.
· د څېړنو او علمي فعالیتونو له لارې د حقوقي
ستونزو د حل لپاره علمي او عملي حللارې وړاندې کول.
· د قانون حاکمیت، عدالت، او ټولنیز نظم د
پیاوړتیا په برخه کې د محصلینو د ژمنتیا، مسؤولیتپالنې او اخلاقي اصولو پیاوړي
کول.
· د محصلینو عملي مهارتونه لوړول، لکه د حقوقي
اسنادو تحلیل، حقوقي لیکنه، قضایي استدلال، او شخړو حل ته چمتووالی.
د برنامي
لرلید:
حقوق څانگه
غواړي چي د معیاري زده کړو او څیړنو پر مټ د هیواد او سیمي په کچه د یو معتبر
حقوقي ، عدلي ، قضايي او تقنیني زده کړو بنسټ په توگه وپیژندل شي.
د برنامې
ماموریت:
د حقوق
څانگه دنده لري چی د افغاني ټولني اړتیاو ته په کتو په حقوقي ، عدلي ، قضايي او
قانوني زده کړو په برخو کی د متخصصو او مجربو استادانو پر مټ وړ کادرونه ټولنې ته
وړاندي کړي.